Dedh Dew Cans Pajar Ügens ha Trei

De Yow, degves mis Hedra

Thursday, 10^th October

Ma enevales oll adro dhebm! Martesen my a's gwel, menowgh nag era vy. Ma bestes chei et agan chei. Nag ens bestes nei. Devedhys ens dhort agan mergh ha mergh wydn. A vedn anjei mos arta? Piw a wor! Pur lowen ens obma. Ma dhe'n logas brâs cawal esy bes an cathes ell gwandra. Na via da gans an cathes bos presonys en cawal. Da ew helghy gans an gorgath, bettegens nag o vy nevra lowen gans y gach – terweythyow logas, par termyn edhyn, eneth üdn codna gwydn. Ma va a wor pe le ma an bestes, ke nag era vy. My a gavas bulhorn e'n chei en teller coynt – ogas dhe'n nen. Fatel a wrüg ev crambla mar bel? Ew ev marow? A venja va gortos rag an gwav? E'n lowarth my a wel toknys a vrohes. Mowns o palas tell e'n glesin. Bùlük ha whiles ew aga boos, martesen melwhes magata (ma esperans dhebm). Res ew dhebm kemeres with – mowns o gara cawgh dhe godha e'n gwels. My ell clowes neb best en gwedhen lebmyn. Gwywer loos ew, o moletha an gath.

 There are animals all around me! Perhaps I see them, often I do not. There are pets in our house. They are not our animals. They have come from our daughter and granddaughter. Will they go again? Who knows. They are very happy here. The rats have a comfortable cage but the cats can roam. The cats would not like to be imprisoned in a cage. The tomcat likes to hunt, however I am never happy with his catch – sometimes mice, occasionally birds, once a weasel. He knows where the animals are, though I don't. I found a snail in the house in a strange place – near the ceiling. How did it creep so far? Is it dead? Would it like to stay for the winter? In the garden I see signs of badgers. They dig holes in the lawn. Earthworms and beetles are their food, perhaps slugs as well (I hope). I must take care – they leave poo in the grass. I can hear some animal in a tree now. It is a squirrel swearing at the cat.

Deg ger rag hedhyw: Ten words for today

bestes animals < singular best > bestes chei pets

brohes badgers < brogh (also use dorgeun < dorgy ground dog)

bulhorn snail > plural bulhornes

bùlük earthworms < singular bùlügen (f)

codna gwydn weasel (literally white neck)

enevales animals

gorgath tomcat (from gour husband + cath cat)

gwywer squirrel (from Latin Sciurus)

melwhes slugs < singular melwhejen

whiles beetles (big ones)