De Yow, seythdegves mis Hedra
Thursday, 17th October
Terweythyow ma tekter en mettin avarr bes dhort termyn dhe dermyn ma môy a dekter en gorthûher. Howlsedhes a rei liw rüdhik dhe'n cloudys ha'n mor. Ma dowr war dreth gleb o tastewydnya cloudys gwydnrüdh. Whegh eur ew ha ma'n mortid o tos nes. Ma todnow bian ogas dhe'n morreb ha ma nebes tüs e'n dowr. Nag ew an mordarth brâs. Ha my o mos e'n vorr (en kyttrin) an tewlder a dheuth nes. An howl eth mes a wel adhelher dhe Garn Breanek. Tabm ha tabm an ebòrn a dreylyas dû. Thera nebes godhanes sqwachys war an veister. (E veu môy en termyn eus passyes – bes lebmyn nag eus mar lies prev neyjys.) Thera lies golow – kerry, golowow traffyk, treven, clojy. War an diwedh my a welas an loor a-ûgh an beneglos.
Sometimes there is beauty of an early morning but from time to time there is more beauty in an evening. Sunset gives a ruddy colour to the clouds and the sea. Water on wet sand reflects pink clouds. It's six o'clock and the tide is coming near. There are little waves near the promenade and there are some people in the water. The surf isn't big. As I went along the road (in a bus) the darkness drew in. The sun disappeared behind St Agnes Beacon. Bit by bit the sky turned dark. There were some moths squished on the window. (There were more once upon a time – but now there aren't so many flying insects.) There were lots of lights – cars, traffic lights,buildings, hospital. Finally I saw the moon over the cathedral.
Deg ger rag hedhyw: Ten words for today
Carn Breanek (place name) St Agnes Beacon
dhort termyn dhe dermyn from time to time
godhan (f) moth > plural godhanes
golow traffyk traffic light
neyjys flying, swimming, flown
peneglos (f) cathedral (you may also see eglos-teg)
rüdhik ruddy, russet
tabm ha tabm bit by bit
terweythyow sometimes
war an diwedh finally, at last
No comments:
Post a Comment