Dedh Dew Cans Trei Ügens ha Dew

De Yow, nawnjegves mis Gwedngala

Thursday, 19^th September

Ma kidnyadh o tos. Hav a vedh gellys en scon. An dre a wra còdha en còsk rag gwav. Ma nebes havyjy whath, bes scon anjei a wra mos. An treth a vedh gwag. Blas a besk ha scobmow, cider ha dehen rew a vedh gellys ewedh. An gullys a vedn creia bes res vedh dhodhans bos gwag. Ma sinys en oll an shoppas – “gwerth diwedh an sêson”, “gwerth, deg a'n cans a-dhor oll dilhas hav”, “gwerth degeans, pub tra hanter pris merkys”. Whei ell perna pows po lavrek rag nessa hav pris isel lowr. Po martesen whei venja perna gwarow treth. Ma taclow erel dhe wertha – taclow nag ew kevys en shoppas. Otta scath dhe wertha. Martesen thew an perhen re goth dhe vos dhe'n mor na môy. Terweythyow ma sin reb chei o leverel "gwerthans agriys".

Autumn is coming. Summer will soon be gone. The village will fall asleep for winter. There are still some summer visitors, but soon they will go. The beach will be empty. The smell of fish and chips, cider and icecream will be gone as well. The gulls will cry but they will have to go hungry. There are signs in all the shops - “end of season sale”, “sale, 10% off all summer clothes”, “closing down sale”. You can buy a dress or trousers for next summer quite cheaply. Or perhaps you would like to buy beach goods. There are other things for sale – things that are not found in shops. Here is a boat for sale. Perhaps the owner is too old to go to sea any more. Sometimes there is a sign by a house saying "Sale Agreed".

Deg ger rag hedhyw: Ten words for today

a'n cans or en cans per cent (of the hundred or in a hundred)

> cansran percentage

dhe wertha for sale (or dhe werha)

gwarow/warow goods, wares, products (singular gwara less used)

but, take care, gwarak (f) is unrelated arc, arch, crescent, bow, etc.

gwerth (m) sale (also gwerthans)

gwertha to sell (also gwerha or gwerra as “th” not pronounced)

perna to buy (sometimes seen as prena)

pris price (not to be confused with pres time) > pris isel low price, cheap

shoppa (m) > shoppys (originally workshop as well as retail outlet – still seen in some place names, e.g. Joppa - nr. St Just and nr. Hayle)