De Gwener, nawhes mis Est
Friday, 9th August
Da ew gans agan cothmans drîvya ogas dhe'n als rag mires orth an mor. Tho an awel hedhyw nebes môy cler. Nei alja gweles carrek vrâs en pelder, martesen Carrek po Enys Gullys. Pur wenjek o. Nei a wòrtas e'n carr drefen na veu an gewer tòbm. Thera howl a-bell – an todnow a wrüg terlentry. Na veu routh veur war an treth – na veu bes RNLI gwithyjy bownans ha morplaynyers freth, gen nebes persons üjy ow mires. Thera an mor tîd o mos mes hag y veu golanes e'n basdhowrow – maga lies golan ogastei dr'era tüs. Nei a welas derivador pellwolok o bos recordys. Nei a viras ort an derivas wòja nena en tre. “Na wrewgh mos e'n mor po war garygy avorow. Hei a vedh re wenjek ha diantel.”
Our friends like driving near the coast to look at the sea. The weather today was a bit clearer. We could see a big rock in the distance, perhaps a Gull Rock or Island. It was very windy. We stayed in the car because the weather wasn't hot. There was sun far away – the waves sparkled. There was not a huge crowd on the beach – there were only life guards and keen surfers, with a few watchers. The tide was going out and there were gulls in the shallows – almost as many gulls as people. We saw a television reporter being recorded. We watched the report afterwards at home. “Don't go in the sea or on rocks tomorrow. It will be too windy and dangerous.”
No comments:
Post a Comment