Dedh Cans

De Merher, degves mis Ebrel

Wednesday, 10^th April 

Ero whei ow mires e’mann en strêt? Whei ell gweles oll sortow taclow! Whei alja desky tabm a story. Nag era tòbmheans cres veth en nownjek cans hag üdnek po nebes. (Derevys veu an treven ma e’n vledhen na, me a grej.) Me or hebma drefen bos eth chymbla dhe bub chei. Thera dhe geniver stevel (rom) y oles y honan, a-warra (a-wartha) hag a-woles, keffres chombours ha helyow ha stevellow debry. Thera chymbla rag an gegin (ha’n chei golhy) adhelher dhe’n chei. Ma tòbmheans cres en chei ma lebmyn – nag eus odhom a chymbla rag tan na fella – kenth ew chymbla trig da rag corn tele. Nag eus chymbla veth dhe nebes treven – mowns ow cawas aga nerth der vorrow erel – heb lesky traveth. An brassa chymblas ew dhe vos gweles war jynnjiow balyow coth.

Do you look up in a street? You can see all sorts of things! You could learn a bit of history. There wasn’t any central heating in about 1911. (These houses were built in that year, I believe.) I know this because each house has eight chimney pots. Each room had its own fireplace, upstairs and downstairs, bedrooms as well as living rooms and dining rooms. There was a chimney for the kitchen (and the wash house) behind the house. There is central heating in this house now – there is no further need of a chimney for a fire – though a chimney is a good support for a TV aerial. Some buildings do not have a single chimney – they get their energy by other ways – without burning anything. The biggest chimneys can be seen on old mine engine houses.