Dedh Trei Ügens ha Whegh

De Yow, seythves mis Meurth

Thursday, 7^th March

Terweythyow ma drog chons dhe nei ha dhort termyn dhe dermyn ma fortyn da dhen. E veu calish luk dhe neb edhen. Me a welas plev gwydn medhel war drolergh. Pehen o an edhen? Hei alja bos colobmen po, martesen, an payones gwydn. Ma lewern gwag oll adro dhen. Lies gweyth anjei a wra ladra cluj a’n yer. Ma plev gwydn dhe neb edhen erel – gullys rag sampel. Ma dhodhans plev gwydn moy es colomednow, saw besca na wrüga vy gweles golan veth reb an chei.

Sometimes we have bad luck and from time to time we have good luck. Some bird had bad luck. I saw soft white feathers on a footpath. What sort of bird was it? It could be a pigeon or, perhaps, the white peahen. There are hungry foxes all around us. Often they will rob a hen-house. Some other birds have white feathers – seagulls for example. They have more white feathers than pigeons, but I’ve never seen any gulls by the house.

Dedh Trei Ugens ha Pemp

De Merher, wheffes mis Meurth

Wednesday, 6^th March

Ma annes genam; pas, drog branja, drog pedn ha fregow a res. Thera vy (owth) omglowes clav. Na ellama mos dhe gùntellyan kessedhek en Baldhu, na gweles ow flehes wydn, na mos dhe’n bagas scriforyon vy en Falmeth naneyl. Nag o vy lowen – ha nag ew an kei lowen naneyl – na veu kerdh dhodho. Na wrüga vy mos mes hedhyw; ma a wrüg gòrtos en gwely. Me a welas an wedhen deg ma de Sadorn. Gwedhen dulip henwys ew hei gen neb tus, drefen bos hy flourys bras ha kigek. Ma lily Corawys ow tevy reb gover. Ma dastewydnyans  e'n dowr. En pras aral  bian ma trei on dhe udn dhavas ha gevellyon dhe dhavas aral.

I have a cold; a cough, a sore throat, a headache and a streaming nose. I am feeling ill. I can’t go to a committee meeting in Baldhu, nor see my grandchildren, nor go to my writers’ group in Falmouth. I am not happy - and neither is the dog happy – he hasn’t had a walk. I didn’t go out today; I stayed in bed. I saw this lovely tree on Saturday. Some people call it a tulip tree, because its flowers are large and fleshy. There are daffodils growing by a stream. There are reflections in the water. In another little field, one sheep has three lambs and another sheep has twins.

Dedh Trei Ügens ha Pajer

De Meurth, pempes mis Meurth

Tuesday, 5^th March

Dedh dhe les – Gool Peran keffres ha de Meurh Enes. Pandra dhe dhebry hedhyw? An jedh avorow a vedh de Merher Lüjiw, an kensa dedh Corawes – termyn dhe voydya boos rych. A vedo whei hepcor neppeth rag Corawes? Na whath, de Meurh Enes ew jorna rag debry lies. Dedh Crampes ewa. E’n vledhen-ma ma va ow codha warbarth gen Gool Peran. Na wrüga vy debry crampethen veth, saw me a dhabras torthellow safòrn ha tesen hevva. Me eth dhe'n universita en Penryn rag seminar "Eglosyow Morek Kernewek". Roger Smith a gowsas adro dhe Tiwardreth ha priory coth ena. Res veu dhebm mos tre kens an nessa areth drefen an kei en chei. Na wrüga vy kemeres ow hamera, rag hedna nag eus dhebm fotos nowydh. Na whath, me a drovyas ow fotos "kellys". Ottobma an düs gen aga skeul hir reb an ke pur uhel.

An interesting day – St Piran’s Day as well as Shrove Tuesday. What to eat today? The day tomorrow will be Ash Wednesday, the first day of Lent – a time to avoid rich food. Will you give up anything for Lent? Anyway, Shrove Tuesday is a day for eating a lot. It’s Pancake Day. This year it coincides with St Piran’s Day. I didn’t eat a single pancake, but I ate saffron buns and heavy (hevva) cake. I went to the university in Penryn for a seminar "Cornish Maritime Churches". Roger Smith spoke about Tywardreath (The House on the Strand) and an old priory there. I had to go home before the next talk because of the dog at home. I didn't take my camera, therefore I have no new photos. However, I found my "lost" photos. Here are the men with their long ladder by the very tall hedge.

Dedh Trei Ügens ha Trei

De Lün, pajwora mis Meurth

Monday, 4^th March

Gwres ew gen ow howethes an pictour ma gen liwyow acrylek war ganfas. Hei a ûsyas collel palet keffres ha scübylednow paynt brâs ha bian. Na wrüg hei ûsyas bes bohes liwyow. An gis ew pederyansek. E’n ymach ma’n mor gen todnow, treth trethek gen gòbmon ha scobmow war an penlanow. Nei ell gweles carrek hanter cüdhys en mordarth ow spouma. Ma’n als e’n pelder, etho nei alja bos en baya. Ma’n howl ow spladna war an als pell na – rag hedna thera nei ow mires tûa norh. Nag eus skeujow hir, etho res ew bos e’n cres an jedh.

My friend has done this picture with acrylic paints on canvas. She used a palette knife as well as large and small paint brushes. The style is impressionistic. In the image there is the sea with big waves, a sandy beach with some seaweed and driftwood on the tide-line (high tide mark). We can see a half-submerged rock in foaming surf. The coast is in the distance, so we could be in a bay. The sun is shining on that distant coast, therefore we are looking towards the north. There are no long shadows so it must be in the middle of the day.

Dedh Trei Ugens ha Dew

De Sul, tryja mis Meurth

Sunday, 3rd March

Wruga whei redya ow blogg de? Wruga whei merkya fowt a neb tra?  Pe le ma'n fotos? Me a scrifas adro dhe fotos ha nag eus foto veth ena. Me a dhileas ow fotos heb whilas dh'y wil. Soweth! Na wruga vy kemeres fotos veth hedhyw ha na wruga vy mos mes. Me a veu gwithyades flogh ha nag o da an gewer. Ow flehes wydn a'm debras mes a chei ha tre! Res ew dhebm marhasna avorow. Ma lies foto coth; me ell usya  onan po dew. Ew da gena whei an flourys gwenton ma - camellia, craisy ha mellyonen?

Did you read my blog yesterday? Did you notice something missing? Where are the photos? I wrote about photos and there aren't any photos at all there. I deleted my photos accidentally (without meaning to do it). What a pity! I didn't take any photos today and I didn't go out. I was a babysitter and the weather wasn't good. My grandchildren ate me out of house and home! I must go shopping tomorrow.I have lots of old photos; I can use one or two. Do you like these spring flowers - camellia, celandines and violet?

Dedh Trei Ugens hag Onan

De Sadorn, nessa mis Meurth
Saturday, 2nd March

Ma hager awel ow tos, herwedh towl an gewer. Gwenjek ew hei solabres. Thera dhen jorna teg de, jorna da dhe wil whel en lowarthow. Ma ke pur vras dhe lowarth ma - pur vras ha re vras. E veu odhom dhe'n berhednyon  chei a'n trehy. Na wrug anjei y drehy aga honan. Gobernys o an dus ma dhe dhos ha trehy an ke rag anjei. E veu dhodhans skeyl pur hir. Ass o fortudnyes na veu gwens de. Na via possybyl whel an par-na hedhyw. Thera dhodhans trunk carr bian dhe dhon dhe ves oll an scorr ha skyll trehys.

A storm is coming, according to the weather forecast. It is already windy. We had a lovely day yesterday, a good day to do work in gardens. This house has a very big hedge - very big and too big. The home owners needed to cut it. They didn't cut it themselves. These men were hired to cut the hedge for them. They had a very long ladder. How fortunate there was no wind yesterday. Work like that would not be possible today. They had a little truck to carry away all the cut branches and shoots.

Dedh Trei Ugens

De Gwener, kensa mis Meurth

Friday, 1^st March

Peran a dheuth dh’y borth hedhyw. Ev a veu welcobmys gen flehes scol dhort an scol Peran Porth en ogas gen canow ha chontia. Anjei a armas, “Gwary wheg ew gwary teg” ha "Kernow bys vycken".  An keur a ganas can adro dhe Gernow. Oll an flehes a wrug donsya adro dhe'n lesin. Gwiskys ens avel tus bal ha metydhyon bal. Nena an flehes gottha a dhonsyas adro dhe'n wedhen Me gen snodys.

St Piran came to his cove today. He was welcomed by school children from the nearby Perranporth school with songs and chanting. They shouted, “Fair play is beautiful play” and "Cornwall for ever". The choir sang a song about Cornwall. All the children danced around the green. They were dressed as miners and bal maidens. Then the older children danced round the maypole with ribbons.