Wednesday, 4 December 2019

Dedh Trei Hans Etek warn Ügens


De Merher, pajwora mis Kevardhû
Wednesday, 4th December


Môy ew darvedhys hedhyw. Ow gour a venja trehy an gwels, etho res veu dhen removya an pilyow gòdhor gen pal ha kibel. An kensa carten Nadelik ew devedhys. Ma Nadelik ow tos! Ken Nadelik e vedh disqwedhyans art en Scol Truru. Ev a vedh rag cherita. “Children's Hospice South West” ew cowethyans rag alüsonow. Mowns o qweres dhe flehes gen condicyons ow thew aga bownansow, ha dh'aga theylûyow ewedh. Ev a gost môy es deg milvil pens pub bledhen dhe witha ôpyn aga theleryow. Ma dhebm bordys disqwedhyans en crow. Ma Truru naw mildir en peldar, etho res veu anjei bos cùntellys gen nebonan. An disqwedhyans a wra dalla de Gwener, rag trei dedh.


More has happened today. My husband wanted to cut the grass, so we had to remove the mole-hills with a spade and tub. The first Christmas card has arrived. Christmas is coming! Before Christmas there will be an art exhibition in Truro School. It will be for charity. “Children's Hospice South West” is a charitable body. They help children with life-threatening conditions, and their families as well. It costs more than £10 million each year to keep their places open. I have display boards in a shed. Truro is 9 miles away, so they had to be collected by someone. The exhibition will begin on Friday, for three days.


Deg ger rag hedhyw: Ten words for today

alüsonow alms, charitable gifts
costya to cost
darvedhys happened, occurred (you can also use wharvedhys)
devedhys arrived, come (you can also use drehedhys)
gweres + dhe to (give) help (to)
milvil million (you can also use milyon)
ôpyn open (you can also use egor)
telher or teller place > plural teleryow (note spirant mutation after aga their)
teylû family > plural teylûyow (note spirant mutation after aga their) – not the easiest thing to pronounce , so you might prefer aga fobel their people or aga herens their relations
thew to threaten (you can also use godros)


Tuesday, 3 December 2019

Dedh Trei Hans Seytek warn Ügens


De Meurth, tryja mis Kevardhû
Tuesday, 3rd December


Nag eus traveth wharvedhys hedhyw ha nag eus gwres genam tra veth naneyl. Na wrüga vy mos mes dhe vetya gans o howethesow rag cowl ha Kernôwek en Truru. My a wòrtas chei ha còsca nebes. Ma whath dhebm dewfrig creunys ha drog branja. Theram ow striwy ha pâsa oll an termyn, bes lebmyn ma dhebm lagajow rüdh ow tebra magata. Pandr'ellama gwil? Eus sawment? Ma dhebm jynjer dhort China, limavalow dhort Spayn ha bottel a vitamin C. Anjei alja bos heweres, ma esperans dhebm.


Nothing has happened today and I haven't done anything either. I didn't go out to meet my friends for soup and Cornish in Truro. I stayed home and slept a bit. I still have a congested nose and a sore throat. I am sneezing and coughing all the time, but now I have itchy red eyes as well. What can I do? Is there a cure? I have ginger from China, lemons from Spain and a bottle of Vitamin C. They could be helpful, I hope.

Deg ger rag hedhyw: Ten words for today

chei used as an adverb indoors (you can also use a-jei)
cowethesow (f.pl.) friends, colleagues (spirant mutation after ow my)
creunys congested (you can also use tagys)
debra to itch
drog branja sore throat
gòrtos to wait, stay, remain > preterite a wòrtas
heweres helpful < verb gweres to help
naneyl neither, either negative sense
sawment a cure (you can also use remedy)
traveth nothing (may also be written as two words tra veth or as travyth)
wharvedhys happened (you can also use darvedhys)

Monday, 2 December 2019

Dedh Trei Hans Whetek warn Ügens




De Lün, nessa mis Kevardhû
Monday, 2nd December

Thew an nessa dedh gwav hedhyw ha thera rew en nos. Ma'n rew ow terlentry en howl mettin avarr - war an gwels ha'n pilyow godhor. Soweth! Ma nekevys genam nebes plansow. Nag ew da ganjans rew. A wra anjei merwel? Eus tra veth aral alja fyllel? En tei! Ma droglabmow ow tos en trebyl. An second droglam ew ow jynn amontya, ow laptopp. Pandr'ujy va ow qwil? Na ora vy. An tryja caletter ew ow yehes vy. Ma'n annes kebmyn dhebm - gen dewfrig syger, pas e'n branjen - ha thera vy ow striwy heb powes. Na ellama mos mes hedhyw.

 
It's the second winter's day today and there was frost in the night. The frost is sparkling in early morning sunshine - on the grass and the mole-hills. Oh dear! I have forgotten some plants. They don't like frost. Will they die? Is there anything else that could go wrong? Certainly! Mishaps come in threes. The second mishap is my computer. What is it doing?I don't know. The third problem is my health. I have the common cold - with a leaky nose, a throaty cough - and I am sneezing non-stop. I can't go out today.

Deg ger rag hedhyw Ten words for today.

an annes kebmyn the common cold (also an comyn annes)
droglam mishap > plural droglabmow (note pre-occlusion)
fyllel to go wrong
heb powes without pause, non-stop
nekevys forgotten < verb nakevy or ankevy (note vowel change)
pas cough
striwy to sneeze
terlentry to sparkle, twinkle
yagh healthy, well (from dialect "jack")
yehes health (initial y not pronounced - our old spelling was ehas)

Sunday, 1 December 2019

Dedh Trei Hans Pemdhek warn Ügens


De Sül, kensa mis Kevardhû
Sunday, 1st December


Warlergh meteorologieth gwav ew lebmyn – an kensa dedh. Pandr'era nei ow qwatyas en gwav? Gwenjow yeyn dhort an norh po an est, cowasow a wens, hager awelyow, enawellow ergh, keser, rew ha cloudys dû, martesen. Mis Kevardhû ew an mis a gewer dû, warlergh y hanow. Bettegens, my a gemeras an maw bian rag kerdh et y gerrik flogh ha jorna spladn o. Blou o an ebòrn gen cloudys gwydn – nag o anjei dû. Res veu dhebm herdhya an kerrik flogh e'n gover war an vownder – war neb coor an dowr a wrüg golhy an rosow! Pan vaner cloudys o anjei? Ma lies hanow skientek (dhort an Laten) rag cloudys dhe düs gewer, saw en Kernôwek nag eus dhe nei bes bohes, martesen commol ha nybels. Nag eus poster veth hedhyw. Thew an cloudys commol dheram ow predery.


According to meteorology it's winter now – the first day. What do we expect in winter? Cold winds from the north or the east, squalls, storms, snow storms, hail, ice and dark clouds, perhaps. December is the month of dark weather, according to its name. However, I took the little boy for a walk in his buggie and it was a lovely day. The sky was blue with white clouds – they weren't black. I had to push the pushchair in the stream on the lane – anyway, the water washed the wheels! What type of clouds were they? Weathermen have lots of scientific names (from the Latin) for clouds, but in Cornish we only have a few, perhaps cumulus and nimbus. There's no thundercloud today. The clouds are cumulus, I think.


Deg ger rag hedhyw: Ten words for today

bettegens however, nevertheless
cowasow a wens plural squalls
enawellow ergh plural snow storms
gwatya to expect
gwenjow plural winds < singular gwens (SWFM gwynsow < gwyns)
hager awelyow plural storms
kerrik flogh (m) pushchair, buggie
keser collective hail > keseren (f) hail stone> plural keserednow
warlergh according to
war neb coor anyway

Saturday, 30 November 2019

Dedh Trei Hans Peswardhek warn Ügens


De Sadorn, degves warn ügens mis Dû
Saturday, 30th November


En Kernôwek Coth thera an ger “ti” ow menya “house”. Òja an vledhen dewdhek cans po nebes an ger “chi” o ûsyes en Kernôwek Cres. Nei a wel an geryow “ti” ha “chi” en henwyn teleryow. Et agan Kernôwek Bew thera nei ow ûsya “chei” - marnas en henwyn teleryow. Lebmyn ma “ti” (po “Ty”, “Te”, “De”) ow tisqwedhes maner pur goth hag a-bris. Radn anodhans ew complys en Lever Domesday, Tywardreath rag sampel. An scrifores Daphne du Maurier a veu awenys gans an hanow - ha hedna ew merkyes e'n sin vorr (fordh). En Peran Porth thera nei ow perthy co agan maner coth en hanow tavern – Tywarnhayle Inn! Ma maner aral – Trevellance - (saw nag eus "Ty" e'n hanow) ow rei hanow dhe vownder ha nebes treven. En ogas “chi” ew treylyas dhe “gey” en “Bolingey” (Melinjy). Ma melin (treylyas dhe anedhow).


In Old Cornish the word “ti” meant “house”. After the year 1200 approximately the word “chi” was used in Middle Cornish. We see the words “ti” and “chi” in place-names. In our Living Cornish we use “chei” except in place-names. Now “ti” (or “Ty”, “Te”, “De”) indicate a very old and important manor. Some of them are mentioned in the Domesday Book, for example Tywardreath. The writer Daphne du Maurier was inspired by the name – and that is remembered in the road sign. In Perranporth we remember our old manor in a pub name – the Tywarnhayle Inn! Another manor – Trevellance (but there is no "Ty" in the name)- gives a name to a lane and a few houses. Nearby “chi” is mutated to “gey” in “Bolingey” (Millhouse). There is a mill (converted into dwellings).



Deg ger rag hedhyw: Ten words for today

compla to mention

disqwedhes to indicate

hanow name > plural henwyn

merkya to commemorate

maner  manor 

marnas except 

melin or belin (f) mill

perthy co to remember

rag sampel for example

telher/teller  place > plural teleryow



Friday, 29 November 2019

Dedh Trei Hans Terdhek warn Ügens


De Gwener, nawhes warn ügens mis Dû
Friday, 29th November


Thera edhyn en pub le e'n seythen ma. Terweythyow my a's gwelas ow neyja e'n ayr ha terweythyow thera anjei war an dor po e'n mor. De Meurth thera moy gullys dre es a düs war an treth. My a bernas has môy de Meurth rag edhyn bian – heckamolas ha bonegow erel. Da ew ganjans has. Ottòbma pednpaly – ma môy anodhans e'n ke. Hedhyw nei a gerras (gerdhas) en Melinjy – nei a welas lies bran dre hag anjei a viras orta nei. Leun a cûryosita o an briny dre na. Thera edhyn erel war do – rag fra? Pandra wra anjei gwil gen gwel cala? Nag ew an termyn ewn rag gwil neythow. Martesen anjei thera o whilas prevyon.


There were birds everywhere this week. Sometimes I saw them flying in the air and sometimes they were on the ground or in the sea. On Tuesday there were more gulls than people on the beach. I bought more seed on Tuesday for little birds – dicky birds and other little birds. They like seeds. Here's a bluetit – there are more of them in the hedge. Today we walked in Bolingey – we saw lots of rooks and they watched us. Those rooks were full of curiosity. There are other birds on a roof – why? What will they do with straws? It's not the right time for making nests. Perhaps they were looking for insects.


Deg ger rag hedhyw: Ten words for today
Observe a number of different ways of forming plurals:

bodnek (m) any little brown bird > plural bonegow
bran dre (f) rook > plural briny dre
edhen (f) bird > plural edhyn
golan (f) gull > plural golanes
gulla (m) gull > plural gullys
gwel cala straws > singular gwelen gala (f)
hasen (f) seed > collective plural has > plural hasednow
heckamola (f) dicky bird
pednpaly (m) bluetit pednow palyon
prevyon or preves plural insects < singular prev or preven


Thursday, 28 November 2019

Dedh Trei Hans Dewdhek warn Ügens


De Yow, ethves warn ügens mis Dû
Thursday, 28th November

Diwedh an kidnyadh ew po nebes, saw ma whath flourys et ow lowarth, war vushys hag en argalyow. Ma blouwydn nowydh emesk purpur ha donek coth. Lies delen a wrüg codha saw ma'n del melyn ow hockya whath war golwedh e'n ke. Ma delkyow marow et agan londrys. Res ew dhen aga gòrra dhe-ves. Ma gwens ow qwaya oll sortow taclow. Nei a whithras an crowyow. Nebes kentrow o lowsyes war an to, etho dowr a dheuth a-jei. Thera othom dhen a skeyl ha morthol dhe ga gweskel e'n to arta.


It's almost the end of autumn, but there are still flowers in my garden, on bushes and in sheltered places. There is new light blue among old purple and brown. Many leaves have fallen but the yellow leaves are still hesitating on hazel trees in the hedge. There are dead leaves in our launders. We must remove them. Wind shifts all sorts of things. We checked the sheds. Some nails have come loose in the roof, so water came in. We needed a ladder and hammer to knock them into the roof again.



Deg ger rag hedhyw: Ten words for today

argalyow sheltered places < singular argal (f)
blouwydn light blue (blou + gwydn cf. pink rüdhwydn = rüdh + gwydn)
crow (m) shed
colwedh collective hazel trees > colwedhen (f)
gòrra dhe-ves to remove
gwaya to move
gweskel to strike, knock, hit
hockya to hesitate
londrys roof gutters, launders dialect
morthol (m) hammer