Saturday, 21 December 2019

Dedh Trei Hans Pemdhek ha Dogens



De Sadorn, kensa warn ügens mis Kevardhû
Saturday, 21st December



Mantolys ew an vledhen hedhyw. Ew an pres-ma cres an gwav poran? An nos-ma a vedh pur hir ha'n jedh avorow a vedh berr. Scon an dedhyow a vedh hirra; na wrons treylya cotta. Ma hencovadhow en lies pow e'n termyn-ma an vledhen – lies gweyth ow mellya gen tan. Wor an gis, re yeyn ha gleb ew rag tanjys mes a-jei – rag hedna ma dhe nebes tüs stôg “yule” specyal dhe lesky a-jei, e'n oles. Mars nag eus stôg gwir dhewgh dhe lesky whei ell cawas stôg choclat dhe dhebry. Terweythyow ma tanjys en Kernow west en le golowow tredanek. En Pensans ma tradicyon “gis” rag Gool Montol - gen "hebyhors".


Today the year is balanced. Is this time the exact middle of winter? This night will be very long and the day tomorrow will be short. Soon the days will be longer; they will not get shorter. There are traditions in many countries in this time of year – often involving fire. Usually, it is too cold and wet for a bonfire outdoors – so some people have a special “yule” log to burn indoors, in the hearth. If you don't have a real log to burn you can have a chocolate log to eat. Sometimes there is a bonfire in west Cornwall instead of electric lights. In Penzance there is a “guising” tradition for Mantol - with an "Obby Oss".


Deg ger rag hedhyw: Ten words for today

cotta shorter
hencovadhow traditions (you can also use tradicyons or hencovyon)
hirra longer
lies gweyth often (you can also use menowgh)
mantolys balanced
mellya gen to involve
oles (f) hearth
poran exactly
stôg (m) log
tanjys bonfire


Friday, 20 December 2019

Dedh Trei Hans Pejwardhek ha Dogens




De Gwener, ügensves mis Kevardhû
Friday, 20th December


Ma lavar coth: Ma tû bera arhans dhe bub cloud dû. En gwettha pres my a welas cloudys dû en mettin-ma – ha devedhys gleb o vy. Bes na wrüga vy gweles tû bera arhans veth bys an dohajedh ma. Isel ew an howl e'n cres an gwav. Howlsedhes hedhyw a veu seytek mynysen òja pajar ar glogh – nag ew an jedh hir. Howldrevel avorow a vedh etek mynysen òja eth ar glogh – pur hir a vedh an nos. Thera nei ow tebry côn en tewlder ha divüna en tewlder ewedh. Cres an gwav ha nosow dû ew perfydh rag golowow Nadelik. An re en Porth Enys ew aswonys da.


There's an old saying: Every dark cloud has a silver lining. Unfortunately I saw dark clouds this morning – and I got wet. But I didn't see any silver lining until this afternoon. The sun is low in the middle of winter. Sunset today was seventeen minutes after four o'clock – the day is not long. Sunrise tomorrow will be eighteen minutes after eight o'clock – the night will be very long. We have supper in darkness and wake up in darkness as well. The middle of winter and dark nights are perfect for Christmas lights. Those in Mousehole are well-known.


Deg ger rag hedhyw: Ten words for today

ajwonys known, recognised < verb ajon (SWFM aswon)
ar glogh o'clock (you can also use eur)
côn (m) supper > côna to have supper
divüna/difüny to awaken, wake up (SWFM difuna)
isel low
mynysen (f) minute (you can also use münys)
perfydh perfect
Porth Enys Mousehole (literally Island Cove)
tewlder (m) darkness
tû bera lining, interior





Thursday, 19 December 2019

Dedh Trei Hans Terdhek ha Dogens



De Yow, nawnjegves mis Kevardhû
Thursday, 19th December

Da ew genam gwedh. Ma kelynen vian ow tevy war ladn reb an chei. Res veu dhen trehy nebes scoryow, drefen bos cravys agan bejethow. Anfujik ew, car dre hevel, dhe dhestria kelynen et tien. Ma gwedhen Nadelik ow tevy war ladn aral ewedh. Bian ew hei ha ma hei ow tevy en syger. Martesen na vedn hei bos brâssa po martesen re vian ew hy gwredhyow. My a wrüg gonis diw wedhen en ogas dhort has bian. Mowns ow tevy en üskis – res veu dhe nei aga threhy nebes. Da ew an wedhen ma gans üdn gath – esy ew dhe grambla. Otta has bian môy – codhys ens dhort aval pin brâs. Da ew avalow pin gans an gath aral.


I like trees. A little holly tree is growing on a bank by the house. We had to cut several branches, because our faces got scratched. It's unlucky, it seems, to destroy a holly tree completely. There's a Christmas tree growing on another bank too. It's small and it grows slowly. Perhaps it doesn't want to be to be bigger or perhaps its roots are too small. I grew two trees nearby from little seeds. They are growing quickly – we had to trim them a bit. One cat likes this tree – it is easy to climb. Here are more little seeds – they've fallen out of a big pine cone. The other cat likes pine cones.


Deg ger rag hedhyw: Ten words for today
aval pin (m) pine cone
bejeth (m) face
car (pecar) dre hevel it seems, apparently, etc.(SWFM dell hevel)
cravys scratched < verb cravas
(en) syger slowly (you can also use en lent)
(en) üskis quickly
et tien completely (you can also use en tien)
gladn (f) bank, verge (soft mutation after war on)
kelynen (f) holly tree < collective kelyn
scoryow, scorow branches < singular scorren


Wednesday, 18 December 2019

Dedh Trei Hans Dewdhek ha Dogens


De Merher, etegves mis Kevardhû
Wednesday, 18th December
 

Na vadna vy mos mes hedhyw. Nag eus othom dhebm a y wil. Nag ew da genam an awel. Comolek ew hei. Ma gorwer e'n ebòrn ha gleb, yeyn ha gwenjek ew hei. Gwell ew gòrtos chei. Saw ma othom dhe'n edhyn a has moy. My a dal afina an chei rag Nadelik. E vedh omweloryon, ostyjy, dhe nei. Bes e'n dalla res ew dhebm riddya an kenis ha'n lies gwias kenisen. Mars eus chei e'n gwelfos ma meur a vownas gwels etto. Droglam! Ow gour a drebüchyas ha knackya dor an wedhen Nadelik. E veu tegednow gweder sqwachys war an leur, etho my a wras an wedhen berra.


I won't go out today. I have no need to do it. I don't like the weather. It's cloudy. There is continuous cloud in the sky and it's damp, cold and windy. It's better to stay indoors. I should decorate the house for Christmas. We are going to have visitors, guests. But first of all I have to get rid of the spiders and the many spider's webs. If there's a house in the wilderness there is a lot of wildlife in it. Accident! My husband stumbled and knocked the Christmas tree down. There were smashed glass baubles on the floor, so I made the tree shorter.


Deg ger rag hedhyw: Ten words for today

bownas gwels (m) wildlife
comolek cloudy
droglam (m) accident
e'n dalla first of all
gorwer continuous cloud
gwelfos (m) wilderness
gwias kenisen (m) spider's web
kenis collective spiders > singular kenisen (f)
knackya dor to knock down
trebüchya to trip, stumble


Tuesday, 17 December 2019

Dedh Trei Hans Üdnek ha Dogens



De Meurth, seythdegves mis Kevardhû
Tuesday, 17th December


Teg o an gewer hedhyw – yeyn lowr saw howlek. Besy lowr o an cita. Thera tüs ow marhasna rag Nadelik ha thera tüs ow seny mûsek e'n strêt. Dewhelys ew an grows ûhel reb an beneglos en Truru. Ownys ew hei. Hei a godhas nebes misyow kens hebma. A wrüg an gwens hy whetha dhe'n dor? Na wrüg. Gweskys veu hei gen carr (clav o an lewyer). Sqwachys veu hei dhe drei radn. Jùnys warbarth ens lebmyn. Besy o an gullys war an treth, en üdn gòrtos rag boos dhe vos degys tûa anjei gans an mortid.


The weather today was fine – quite cold but sunny. The city was quite busy. People were shopping for Christmas and there were people playing music in the street. The high cross by the cathedral in Truro has returned. It is mended. It fell several months before this. Did the wind blow it down? It did not. It was hit by a car (the driver was ill). It was broken into three parts. They are joined together again now. The gulls were busy on the beach, waiting for food to be carried towards them by the tide.


Deg ger rag hedhyw: Ten words for today

besy busy
clav ill, sick, poorly, etc.
crows (f) cross
dewhelys returned
en üdn gòrtos waiting
jùnya to join
lewyer (m) driver < lewa to steer
lowr quite
radn (m) part (you can also use tabm bit or pîs piece)
warbarth together (silent th at the end)

Monday, 16 December 2019

Dedh Trei Hans ha Hanter Cans


De Lün, whetegves mis Kevardhû
Monday, 16th December


An gwens o pur grev. E veu whaff deg mildir ha trei ügens an our. Ha whethys war rag veu an colomjy. Res veu y owna. E'n gwelha pres na veu kelebmy etto. Üdn mildir hons ena gellys ew ôstel. Na veu va whethys gans an gwens. Sqwachys ew gen jynnys. En kensa an to a veu kemerys dhe ves, nena an vosow a dheuth dhe'n dor. Ma hûjes grügow a bredn ha kern. Whei ell gweles kerynyow coth hag arhow dowr. Res ew dhe'n düs whel degy gwiscajow difresüs.


The wind was very strong. There was a gust of 70 m.p.h. And the pigeon house was blown forwards. It had to be mended. Fortunately there were no pigeons in it. A mile away a hotel has gone. It was not blown by the wind. It was demolished by machinery. First the roof was taken away, then the walls came down. There are huge piles of wood and concrete. You can see old bathtubs and water tanks. The workmen must wear protective clothing.


Deg ger rag hedhyw: Ten words for today

argh (m) tank > plural arhow
colomjy (m) pigeon house
crüg (m) mound, pile, heap (you can also use bern or pil)
hûjes huge (one of the few adjectives that goes before the noun)
jynnys plural machinery
kern concrete
keryn (f) bathtub
owna to mend, repair
war rag forwards
whaff (m) gust


Sunday, 15 December 2019

Dedh Trei Hans Dogens ha Naw


De Sül, pemdhegves mis Kevardhû
Sunday, 15th December


Pur blegadow o an kefewy, bes nag o an viaj bys-dei da. Pur wenjek o ha my a gollas ow lien codna brithlen a Gernow meurgerys. My a welas diwa an hager awel e'n mettin. Loor leun, lanwes mor brâs ha gwens crev – na wrüg an mor gòrtos a-dhelher dhe'n vos. Ev a dheuth war an vorr, an morrab ha'n gerdhva reb an ryver bian, ha nena ev a omdednas. Gerys war an dor o meur a gòbmon ha kewny. Ha pe le ew gellys an benk? A veu va tednys kerdh ha sqwachyes? A wrüg ev neyja kerdh gans ow lien codna? Cosel lowr ew an treth lebmyn. Òta golan ort hy sedh war garrek vian.


The party was very enjoyable but the journey there was not good, It was very windy and I lost my beloved Cornish tartan scarf. I saw the result of the storm in the morning. A full moon, a big flood tide and a strong wind – the sea did not stay behind the wall. It came onto the road, the promenade and the walkway by the little river, and then it retreated. A lot of seaweed, large and small, was left on the ground. And where has the bench gone? Was it pulled away and broken? Did it float away with my scarf? The beach is quite calm now. See a gull sitting on a little rock.


Deg ger rag hedhyw: Ten words for today

a-dhelher dhe behind (SWFM adhelergh dhe)
brithlen (f) tartan (material)
bys-dei to there, thither
kerdhva (f) walkway < kerdhes to walk + va place where it happens
lanwes mor (m) flood tide
lien codna (m) scarf (you can also use scarf or sarf godna)
morrab seafront, promenade
omdedna to retreat, draw back
tedna kerdh to pull away
plegadow enjoyable