Wednesday, 13 November 2019

Dedh Trei Hans ha Seytek


De Merher, terdhegves mis Dû
Wednesday, 13th November

Ass ew euthyk tra teknologieth a'n eur ma. Ma dhe nei oll lies tabm paper gen textys dornscrifys hag argraffys gen neb jynn coth. Bes tabm a baper ell bos destriys gen tan po liv. An scrif alja bos a bris po dhe les bes ev alja bos towlys dhe ves. En gwelha pres ma tüs ow creuny! Ow hosin a wrüg gwitha lies lether dhort cosin aral en termyn an bell. Hy mergh re ûsyas scanyer ha lebmyn my ell redya an letherow ewedh. Otta carten Nadelik dhort nanj ew whetek bledhen ha trei ügens. Ma lies folen paper dhe vos scanyes rag Kresen Kernow.


What a wonderful thing is modern technology. We all have lots of bits of paper with texts handwritten and printed on some old machine. But a piece of paper can be destroyed by fire or flood. The text could be important or interesting but it could be thrown away. Fortunately there are people who hoard! My cousin kept many letters from another cousin in the wartime. Her daughter has used a scanner and now I can read the letters as well. Here's a Christmas card from 76 years ago. There are many sheets of paper to be scanned for the Cornwall Centre.


Deg ger rag hedhyw: Ten words for today

a'n eur-ma modern, nowadays, up to the moment
argraffa to print
cott y vownans ephemeral
creuny to hoard
destria to destroy
dornscrifys handwritten
euthyk tra terrific thing, etc. (you can also use real dra)
scanyer scanner
teknologieth technology
textys texts

Tuesday, 12 November 2019

Dedh Trei Hans ha Whetek



De Meurth, dewdhegves mis Dû
Tuesday, 12th November

Yeyn ew an gwens ha garow ew an mor. Ma todnow brâs. Bes hedna na dal oy. Da ew genam de Meurth, dedh da dhe dhebry cowl ha redya Kernôwek. Da ew genam tavern coffy Lily ewedh, mons ow qwil an gwelha cowl. Pandr'ew e'n cowl hedhyw? Ma dew gowl, da ha tòbm. An eyl ew gen pompyon ha losow owriek erel, know dor ha tabm chylly, hag y gila ew cowl “cabmdhavas” gen oll sortow losow hag erbys. Ha na wrewgh nakevy trogh a limaval glas! Kenth ew an gwens crev ha yeyn tho nei tòbm lowr.


The wind is cold and the sea is rough. There are big waves. But I don't care. I like Tuesday, a day to eat soup and read Cornish. I like Lily's cafe as well, they make the best soup. What's in the soup today? There are two soups, good and hot. One is with pumpkin and other golden vegetables, peanuts and a bit of chilli, and the other is “rainbow” soup with all sorts of vegetables and herbs. And don't forget a slice of lime! Though the wind is strong and cold we are quite warm.


Deg ger rag hedhyw: Ten words for today

an eyl … hag y gila the one … and the other
an gwelha the best (later spelling than gwella)
erbys edible herbs
hedna na dal oy I don't give a damn or similar (lit. That's not worth an egg.)
know dor peanuts, groundnuts
limaval glas lime (lit. green lemon)
nakevy to forget (you can also use ankevy - example of metathesis)
owriek golden (I could have used rüdhvelyn orange)
pompyon pumpkin (actually it was butternut squash!)
trogh a slice (from verb trehy to cut)

Monday, 11 November 2019

Dedh Trei Hans ha Pemdhek


De Lün, üdnegves mis Dû
Monday, 11th November

An jorna de a veu de Sül Remembrans. Reb an eglos my a welas nebes garlons gwres a villys rüdh, adro dhe'n men co bell. Ma fenten en pras a-wòles. Ma gover bian ow resek dhort an venten ma. Ma va ow resek dreus gwel agan hentrevogyon ha bys en poll margh. Hedhyw, dhort an poll ma va ow resek dreus an vownder, drefen bos re a dhowr – gorlenwys ew.


Yesterday was Remembrance Sunday. By the church I saw several wreaths made of red poppies, round the war memorial. There is a spring in a field below. A little stream runs from this spring. It runs across our neighbours' field and into a horse pond. Today, from the pond it is flowing across the lane, because there is too much water – it's over-filled. 

Deg ger rag hedhyw: Ten words for today

a-wòles below
bell war (you can also use cas (f), gwerryans, bresel)
bownder (f) lane
dreus across
fenten, venten spring (may be permanently lenited in place names)
garlons plural wreaths, garlands < singular garlont
gorlenwel to fill to overflowing > gorlenwys over-filled, overflowing
kentrevogyon plural neighbours < kentrevek (m) neighbour
myll (f) poppy
poll margh horse pond


Sunday, 10 November 2019

Dedh Trei Hans ha Peswardhek


De Sül, degves mis Dû
Sunday, 10th November

Pe seson ew hebma? Ma flourys gwenton e'n lowarth. Brially melyn meskegys ens. Nag eus govenek dhebm dh'aga gweles en mis Dû. Thera vy ow qwatyas gweles lies scavel gronek. Terweythyow thew an ebòrn comolek ha pecar'a gwav. E'n gordhûher de my a welas howlsedhes teg ha môy diwedhes loordrevel a-dhelher dhe gloudys dû. Hedhyw tho cler an ebòrn ha my a welas bargas ow neyja a-ûham. En mis Hedra gwedhen a godhas war an trolergh. Lebmyn trehys ew gen nebonan ha nei ell ûsya an scochvorr arta.


What season is this? There are spring flowers in the garden. They are confused yellow primroses. I have no expectation of seeing them (I do not expect to see them) in November. I expect to see lots of toadstools. Sometimes the sky is cloudy and like winter. In the evening yesterday I saw a beautiful sunset and later a moonrise behind black clouds. Today the sky was clear and I saw a buzzard flying above me. In October a tree fell on the footpath. Now it has been cut by someone and we can use the shortcut again.


Deg ger rag hedhyw: Ten words for today

a-dhelher dhe behind
a-ûham above me (a-ûgh + personal pronoun)
bargas buzzard (you may also see bargos)
govenek (m) expectation
gwatyas to expect (you can also use qwachas)
loordrevel moonrise (cf howldrevel sunrise)
meskegys confused, mistaken
neyja to fly (also to swim, float)
scavel gronek (f) toadstool < cronek toad
scochvorr (f) shortcut (you may also see scochfordh)






Saturday, 9 November 2019

Dedh Trei Hans ha Terdhek


De Sadorn, nawhes mis Dû
Saturday, 9th November

Pana jorna besy! E veu Forum rag an tavas Kernôwek e'n mettin ha kefewy flehes òja hedna. Lebmyn skith o vy. Nei oll a vetyas en Kresen Kernow nowydh rag an Forum. Derevyans spladn ewa lebmyn – chei brihy Redrüdh coth en termyn eus passyes. Coth ha nowydh ew kemyskys. Ma disqwedhyans bian o tòchya tüs dhe les hag a-bris en Kernow. Thera nei en stevel vrâs ha'n caderyores o Bardhes Veur, Elizabeth Carne. Ma mòna (arhans) rag an tavas, dhort an governans. Pur holergh ew ha res ew dhen y ûsya ken nessa mis Ebrel. Ma lies tra dhe wil ha nag eus whans dhen a gelly an mòna. E vedh nebes darvosow plegadow e'n tavas Kernôwek. Môy trosüs o an dohajedh – lies flogh ow pònya oll adro hag üja, mûsik ha plomp rag whethfy hujes gastel gwres a gerdyn gwedhyn. Res veu bos boos heb mar ha tesen gen cantolyow – whegh cantol (po moy).


What a busy day! There was a Forum for the Cornish language in the morning and a children's party after that. Now I'm tired. We all met in the new Cornwall Centre for the Forum. It's a splendid building now – the old Redruth brewery in the past. Old and new are mixed. There's a small exhibition about interesting and important people in Cornwall. We were in a big room and the chairwoman was the Grand Bard, Elizabeth Carne. There's money for the language from the government. It's very late and we have to use it before next April. There are many things to do and we do not want to lose the money. There will be several enjoyable events in the Cornish language. The afternoon was more noisy – lots of children running about and screaming, music and a pump for blowing up a huge castle made of rubber. There had to be food, of course, and a cake with candles - six candles (or more).


Deg ger rag hedhyw: Ten words for today

bardhes (f) bard (feminine -es ending on bardh)
chei brihy brewery (you can also use brihty or bragjy)
darvosow events, happenings (you can also use wharvosow)
holergh late, tardy, overdue (you can also use helergh)
kefewy (m) party, feast
kemyskys mixed
kerdyn gwedhyn rubber (material)
plegadow enjoyable
stevel (f) room (with a purpose)
whethfy to blow up, inflate, distend, etc.


Friday, 8 November 2019

Dedh Trei Hans ha Dewdhek


 De Gwener, ethves mis Dû
Friday, 8th November

Bestes arta! An glaw a cessyas ha my eth et ow lôwarth rag gwandra a les. An glesin ew shyndys gen brohes. Ma dhodho semblans a arva, leun a dell. An godhes dor re veu pur vesy. Òtta aga filyow gòdhor brâs. An glesin a dal bos pur rych gen bùlük. Res ew dhe genes debry magata. Mons ow nedha aga gwiajow kenes et ow beister. Thera vy ow mires orth an batel ma dhe vernans. Thew an gelyonen brâssa ages an genesen saw nag eus dhedhy chons veth. Gansenjys ew hei ha debrys. Na ro an gath oy tabm veth. Üjy hei ow mires mes a'n veister po orth hy honan. Môy diwedhes ma hei ow còsca war ow jynn amontya coth.


Animals again! The rain ceased and I went into my garden for a ramble about. The lawn is ruined by badgers. It looks like a battlefield, full of holes. The moles have been busy as well. Look at their big mole hills. The lawn must be very rich in earthworms. Spiders must eat as well. They spin their cobwebs in my window. I watch this battle to death. The fly is bigger than the spider but it has no chance. It's seized and eaten. The cat does not care at all. Is she looking out of the window or at herself? Later she sleeps on my old computer.



Deg ger rag hedhyw: Ten words for today

arva (f) battlefield < arv weapon + va place
cessya to cease (you can also use hedhy, diwedha, etc.)
gwandra a les to ramble about
kelyonen (f) large fly > plural kelyon
kenesen (f) spider > plural kenes
nedha to spin
pilyow gòdhor plural mole hills
semblans/semblant appearance
shyndys ruined, destroyed, etc. (you can also use diswres lit. undone)
tell plural holes < singular toll (you can also use tollow)


Thursday, 7 November 2019

Dedh Trei Hans hag Üdnek


De Yow, seythves mis Dû
Thursday, 7th November


Na ellama sevel orth striwy hedhyw. Ma dhebm dewfrik goverek. Ow dewlagas ew goverek ewedh ha ma drog pedn genam. Agan flehes gwydn a veu òbma de Lün hag anjei a dhros aga eginyow annes ganjans. (Robert Koch, fycycyan ha microbiologist Jermanek, a lavaras dr'ew cleves causys gen eginyow.) Excûss vas ew dhe wòrtas et ow gwily! Bes blewek ew en gwily ha res ew dhebm sevel emann ha maga an bestes. Nena my alja redya. Da ew genam mires orth mappys coth. Ma lies gover en Kernow. My a wra aga whithra. Ma lies gover ogas dhe “Penwethers” (ogas dhe Coos Nansavallan). An hanow a wrüg defaleby diweyth po môy.

I can't stop sneezing today. I have a snuffly nose. My eyes are watery as well and I have a headache. Our grandchildren were here on Monday and they brought their cold germs with them. (Robert Koch, a German physician and microbiologist, said that illness is caused by germs.) It's a good excuse to stay in my bed! But it's boring in bed and I've got to get up and feed the animals. Then I could read. I like looking at old maps. There are lots of streams in Cornwall. I will research them. There are many streams near Penwethers (near Nansavallan Wood). The name has mutated two or more times.

Deg ger rag hedhyw: Ten words for today

annes common cold (you can also use anwòs with same pronunciation - w is silent and last syllable is a schwa)
blewek boring, dull (literally hairy, furry, etc.)
dewfrik dual plural nose (you can also use frigow) < frig nostril
dewlagas dual plural eyes (you can also use lagajow) < lagas eye
drog pedn headache (here drog hurt is a noun rather than an adjective)
eginyow germs (no attested word because the language had died out before the Henle-Koch germ theory of disease was published in 1890)
goverek snuffling, snivelling, watery < gover stream
sevel orth to stop (doing something)
striwy to sneeze
whithra to research