Dedh Trei Ügens ha Terdhek

Day 73

De Yow, pajerdegves mis Meurth

Thursday, 14th March 

Soweth, na ellama mos dhe'm bagas art en Lily's, Truru, hedhyw. Nag o vy yagh lowr whath. Farmacy war dreys o vy! Me eth dhe'n vedhegva de adro dhe'm bronkitis, ha namnygen me a gloncas eth pelen vian rag berranal,  üdn belen vras antebiotek, ha teyr pelen erel rag ow holon ha gwask gooj. Gen meur esperans me a vedn bewa rag nebes dedhyow moy ha  na wra vy pâsa de Gwener ha de Sadorn. Pandr'ew mar dhe les adro dhe'n dedhyow na? Kembro Carl Morris a vedn dos dhe Gernow rag gweres dhen gen tybyansow fatel displegya ha gwelha agan devnydhyow e'n tavas Kernowek war linen. Ma dhodho prevyans da en Kembra.

Sadly, I can't go to my art group in Lily's, Truro, today. I am not well enough yet. I'm a walking pharmacy! I went to the doctor's surgery yesterday about my bronchitis, and I have just swallowed eight little pills for asthma, one big antibiotic pill, and three other pills for my heart and blood pressure. Hopefully I will live a few more days and not cough on Friday and Saturday. What is so interesting/important about those days? Welshman Carl Morris will come to Cornwall to help us with ideas how to develop and improve our online materials in the Cornish language. He has good experience in Wales.

Dedh Trei Ügens ha Dewdhek

De Merher, terdhegves mis Meurth

Wednesday, 13th March 

Me a drovyas nebes fotos coth. "Pandr'ew hedna?" me a vednas (wovednas) dhort ow honan. Flogh ew, gen pedn, corf ha defra (diwvregh). Bes pe le ma'n diwarr? Ew ev heb garr? Ma va ogas dhe dopp an daras - ew ev pur hir? Ow mab wydn ew. Da ew ganjo gymnastek. Da ew gen oll an teylu gymnastek. Ma predn en toll pub daras e'n chei! Ha pe le ma y arrow? Plegys ew y dhowlin ha mowns emann reb y vrodn. Gymnastek nag ew da gen mab wydn aral. Gwel ew ganjo fittya boos. Otta pitsa bras gwres ganjo. Ma keus, tomato, selsigen spîsyes, oliv ha scavel cronak warnodho. 

I found some old photos. "What is that?" I asked myself. It's a child, with a head, body and two arms. But where are the two legs? Is he legless? He is near the top of the door - is he very tall? He's my grandson. He likes gymnastics. The whole family likes gymnastics. There is a bar in every doorway in the house! And where are his legs? His knees are folded and they are up by his chest. Another grandson doesn't like gymnastics. He prefers cooking (preparing food). Here's a big pizza he made. There is cheese, tomato, spicy sausage, olives and mushroom on it.

Dedh Trei Ügens hag Üdnek

De Meurth, dewdhegves mis Meurth

Tuesday, 12th March 

Na wruga vy mos mes arta hedhyw ha sqwachys ew ow jynn-amontya coth. Na ellama cawas lies foto. Etho ma odhom dhebm a whilas fotos erel. En mis Meurth nanj ew udn vledhen me a gemeras an foto ma et ow lowarth. Yeyn o an gewer ha thera ergh war dor. Nag o lowen ow camellias gwydnrudh, tabm veth. Bettegens, an lily Corawes o a 'ga sav whath (ogastei).  Gwell ew an awel e'n vledhen ma awos an gwens crev. En mis Meurth nanj ew udn vledhen me a dhesinyas nebes cartednow rag Pask. Lebmyn me a dal gwil moy.

I didn't go out again today and my old computer is broken. I can't find lots of photos. So I need to look for other photos. In March one year ago I took this photo in my garden. The weather was cold and there was snow on the ground. My pink camellias were not happy. Nevertheless, the daffodils were still standing (almost).  The weather is better this year in spite of the strong wind. In March a year ago I designed some cards for Easter. Now I should make some more.

Dedh Trei Ügens ha Deg

De Lün, udnegves mis Meurth

Monday, 11th March 

Pana droglam nessa? Ow laptopp a verwas ha nag o vy pur yagh naneyl! Na whath, ma gwenton ow tos. Me a welas drumbledran bras ha ma lies flour et ow lowarth. Thew an  godhow dor pur vesy e'n eur-ma. Gwrewgh mires ort an glesin. Na ellen nei gwary bollys warnodho. Lowan ow an bestas gans an gewer, bes rag fra a vedn an gath cosca war bott plans?

What mishap next? My laptop died and I'm not very healthy either! However, spring is coming. I saw a big bumble bee and there are lots of flowers in my garden. The moles are very busy at the moment. Look at the lawn! We can't play bowls on it. The animals are happy with the weather, but why does the cat want to sleep on a plant pot?

Dedh Trei Ügens ha Naw

De Sül, degves mis Meurth

Sunday, 10^th March

Nebes benenes a scrifas adro dhe hendresow (hünrosow), govenegow ha gorvydnow. Re erel a scrifas adro dhe vos crev. “Hendres (hünros) ew henrosys (hünrosys) genowgh whei agas honan nag ew bes hendres (hünros). Hendres (hünros) ew henrosys (hünrosys) genowgh whei warbarth ew gwirvos (gwrionedh). Yoko Ono, Japanyades, artist ha caskerhores (activist) cres. “Na wrewgh gara traveth dh’agas kelmy  e’n norves saw agas gwrionedh cres an ûhelha. Emma Herwegh,  Almanes, scrifores ha domwhelores.   

Several women wrote about dreams, hopes and ambitions. Others wrote about being strong. “A dream you dream alone is only a dream. A dream you dream together is reality.” Yoko Ono, Japanese woman, artist and peace activist. “Let nothing bind you in the world other than your highest inner truth.” Emma Herwegh, a German woman, writer and revolutionary.

Dedh Trei Ügens hag Eth

De Sadorn, nawes mis Meurth

Saturday, 9^th March

Otta lavarow moy dhort benenes awenüs. Towleres treven Irakek o Zaha Hadid. Nag ew hy threven na hengovek na comyn trad, tabm veth. “Theram ow crejy (Me a gres) pur wir en tybyans a’n termyn a vedn dos,” e'medh hei. Scrifores Frenkek o George Sand, feminist. Nag o hei hir po teg, saw codnyk o hei. “An termyn a vedn dos ell divüna (difüny) en maner moy deg vel an termyn eus passyes.” Doctour Mae Jemison ew Americanes, ynjynores, medhoges ha stervarnores. Hei a veu an kensa benyn dhû dhe dravalya en spas. “Na wrewgh nevra bos constrinys gen pederyansow constrinys tüs erel.”

Here are more sayings from inspirational women. Zaha Hadid was an Iraqi architect. Her buildings are not at all traditional or conventional. “I really believe in the idea of the future,” she said. George Sand was a French writer, a feminist. She was not tall or beautiful, but she was clever. “The future can awaken in a more beautiful way than the past.” Dr. Mae Jemison is an American woman, an engineer, physician and astronaut. She was the first black woman to travel in space. “Never be limited by other people’s limited imaginations.”

Dedh Trei Ügens ha Seyth

De Gwener, ethves mis Meurth

Friday, 8^th March 

Hedhyw thew Dedh Benenes Keswlasek. Ma lies benyn awenüs, e’n termyn passyes hag e’n eur-ma. Frida Kahlo o lymnores Mexican. Cleves floholeth ha droglam kyttrin moy diwedhes a’s gwrüg efreg. Ma hebma ow rei sens dhe hy lavar: “Treys, rag fra ma odhom dhebm anodhans mars eus eskelly dhebm dhe neyja?” Benyn aral, Marina Tsvetaeva (prydedhes Roussek), a gowsas adro dh’ eskelly. “Frankedh ew eskelly  hepken mars ew anjei efan en neyj. War y  geyn thens poster poos.” Mary Kom (boxseres Eyndek) a lavaras (leverys), “Na wra leverel dr’osta gwadn, drefen benyn osta.” 

Today it is International Women’s Day. There are many inspirational women, in the past and at present. Frida Kahlo was a Mexican painter. A childhood illness and a later bus accident made her crippled. This gives meaning to her saying: “Feet, what do I need them for if I have wings to fly?” Another woman, Marina Tsvetaeva Russian poet), spoke about wings. “Wings are freedom only when they are wide open in flight. On one’s back they are a heavy weight.” Mary Kom (Indian boxer) said,”Do not say you are weak, because you are a woman.”