Dedh Dew Cans Trei Ügens ha Naw

De Yow, wheffes warn ügens mis Gwedngala

Thursday, 26^th September

Hedhyw ma dhe nei dedh dhe les – Dedh Europek a Davosow. My a fanjas an messach ma. Venjo whei gosôwes ort an re ma? Whei ell clowes cana en nebes tavasow Keltek – Kembrek, Godhalek (dhort Alban), Kernôwek, Manek ha Godhalek (dhort Werdhon). Consel Bretednek Godhalek a wras rôl wary Spotify. Na wrüga vy gosôwes – nag era vy o cül Spotify. Martesen whei ell y wil.

“On the European Day of Languages together we celebrate linguistic diversity. Listen, enjoy and share this playlist of tracks sung in Welsh, Gaelic, Cornish, Manx and Irish.”

#Cymraeg #Gàidhlig #Kernewek #Gaelg #Gaeilge #coeEDL #iyil2019 @BICSecretariat

Today we have an interesting day – the European Day of Languages. I received this message. Would you like to listen to these? You can hear singing in several Celtic languages – Welsh, Gaelic, Cornish, Manx and Irish. The British Irish Council made a Spotify playlist. I have not listened – I do not do Spotify. Perhaps you can do it.

Deg ger rag hedhyw: Ten words for today

Alban Scotland (you can also use Scottlond)

Bretednek British (of Great Britain – also Brethonek)

Europek European (you can also use European)

Godhalek Gaelic or Irish

Keltek Celtic

Kembrek Welsh

Kernôwek Cornish

Manek Manx

tavosow languages < tavas or taves (some people use yëth > yethow)

Werdhon Ireland

Dedh Dew Cans Trei Ügens hag Eth

De Merher, pempes warn ügens mis Gwedngala

Wednesday, 25^th September

Gellys ew an keheja dedh ha nos ha lebmyn thew an sêson kidnyadh. Rag üdn jedh jorna golow ha nos tewal a veu mantolys kehaval, avel Mantol Justys. (Ma gravyans en Loundres, war do cort a'n cres.) Ma restrans a ster, constellacyon, parth an ebòrn nev henwys “An Vantol”. Ma lies lymnans anodho, nebes anodhans pur goth. Ma'n Vantol tredh an Werhes ha Scorpyon. Ma arwòdh (sin) an Zodiak henwys “An Vantol” magata. An Zodiak ew stergelgh en dewdhek parth. Thew an Vantol an seythves arwòdh, termyn ma'n howl en parth na an ebòrn, dre hevel. Thew Gwener an planet kevradnek gans an Vantol.

The equinox has gone and now the season is autumn. For one day light day and dark night were equally balanced, like the Scales of Justice. (There's a statue in London, on the roof of the central court.) There is a configuration of stars, a constellation, a region of the firmament called “Libra” (the Scales). There are many illustrations of it, some of them very old. Libra is between Virgo and Scorpio. There is a Zodiac sign called Libra as well. The Zodiac is a circle of stars in twelve parts. Libra is the seventh sign, when the sun seems to be in that part of the sky. Venus is the planet associated with Libra.

Deg ger rag hedhyw: Ten words for today

arwòdh sign, symbol, badge, emblem, mark, etc.

ebòrn nev firmament (ebòrn = sky; nev = heaven)

gravyans sculpture

Gwener Venus > gwener love, sex, etc.

gwerhes (f) virgin, maiden, maid

kelgh circle > stergelgh zodiac, starsign

lymnans illustration

mantoly to balance > mantolys balanced, mantol (f) scales

parth part, area, region, sector, etc.

restrans configuration, arrangement, etc.< restra to organise, arrange

Dedh Dew Cans Trei Ügens ha Seyth

De Meurth, pajwora warn ügens mis Gwedngala

Tuesday, 24^th September

Ha my o kerdhes dres coos bian my a glowas son “tapp, tapp”. My a viras emann ha gweles golowas bian a rüdh. Ello whei y welas? Tho hei casek coos war welen nerth. Nag era hei war wedhen. Ma casegy coos o shyndya gwelynny nerth. Üjy hei o whilas prev po eus whans dhedhy a wil tros ûhel? Gleb ew an gewer hedhyw. Ma dowr o resek e'n gover bian. Nag ew an dowr cler. Nag ew an dowr e'n ryvar bian cler naneyl. Thera dhen glaw poos. Ev a wolhas prei dhort an gladnow. Nebes slotterüs ew an ryvar.

As I walked through a little wood I heard a “tap, tap” sound. I looked up and saw a little flash of red. Can you see it? It was a woodpecker on a power pole. It was not on a tree. Woodpeckers damage power poles. Is it looking for an insect or does it want to make a loud noise? The weather today is wet. There is water running in the little stream. The water is not clear. The water in the little river is not clear either. We have had heavy rain. It washed mud from the banks. The river is a bit muddy.

Deg ger rag hedhyw: Ten words for today

coos wood > cosow

casek coos (f) woodpecker (literally wood mare) > casegy coos

gladn (f) bank (of river, etc.), brim, edge, verge, margin < gladnow

gover stream, brook (you can also use gooth (f) as in placename Ponsanooth)

gwelen (f) pole > gwelynny (for large pole you can use gwedhen)

gwedhen (f) tree (or large pole)

nerth power, energy, force, might, etc.

prei mud, clay

shyndya damage, injure (you can also use gwil drog dhe)

slotterüs muddy (from dialect slottery)

Dedh Dew Cans Trei Ügens ha Whegh

De Lün, tryja warn ügens mis Gwedngala

Monday, 23^rd September

Kidnyadh ewa lebmyn e'n hanter norh an bes, saw e'n hanter sooth an bes thew an sêson gwenton. Ma'n hanter norh an bes pelha dhort an howl ha ma'n hanter sooth an bes nessa dhodho. E'n norh nei a wra yeynhe (treylya môy yeyn) hag e'n sooth anjei a wra mos môy tòbm – marnas en qwartronys trovadnüs. Ena thew an gewer tòbm oll an termyn – nag eus dhodhans pajar sêson. An howl a wra “viaj” dhe'n Trovan an Aver terebo agan Mantol, en mis Kevardhû, nena ev a wra dos tre terebo ev dhe hedhes Trovan an Canker en cres agan hav, en mis Est. Tredh an dhew e vedh keheja dedh ha nos aral en mis Meurth.

It's autumn now in the northern hemisphere, but in the southern hemisphere the season is spring. The northern hemisphere is further from the sun and the southern hemisphere is nearer to it. In the north we will turn colder and in the south they will go hotter – except in tropical zones. There the weather is hot all the time – they do not have four seasons. The sun will “travel” to the Tropic of Capricorn until our midwinter, in December, then it will come back until it reaches the Tropic of Cancer in our midsummer, in June. In between there will be another equinox in March.

Deg ger rag hedhyw: Ten words for today

hanter half or hemi-

hanter norh an bes (also hanter pel north) northern hemisphere

hanter sooth an bes (also hanter pel soth) southern hemisphere

nessa nearer < nes near

pelha (or pella) further < pell far

Not all comparatives are formed by adding -a to the end of the adjectives, so sometimes you have to use môy more, e.g. môy yeyn more cold, colder .

môy tòbm hotter (tobma means to heat up)

qwartronys zones < qwartron

Trovan Tropic

trovadnüs tropical (or trovadnek)

yeynhe cool down, become colder, etc.